माझ्या शाळेतली पोरं ही......

काय सांगु तुम्हा माझ्या शाळेची गोष्टss
मूलभूत वाचन हे लय भारी, मस्त

रमेश , राजु अन् ज्योती सुजाता
लागली शाळेत रमायला
लागली शाळेत रमायला
माझ्या शाळेची पोरं ही sss
लागली खडाखडा वाचायला

कागद मातीचे गोळे हो करता
वास , रंग , चव ध्वनी ओळखता
वर्णन, गप्पा अन् संवादी रमता
लागली गाणी हो गायला
माझ्या शाळेतली पोरं ही......

गप्पा , गाणी अन् शब्दांची कोडी
साम्य भेद अन् चित्रांची गाडी
गटात बसता कृती हो करता
लागली विचार करायला
माझ्या शाळेतली पोरं ही........

शब्दचक्र ही तयार झाली
शाळा साऱ्या कृतींनी सजली
वाचनपाठ हो कराया लागली
सिद्ध ध्येय गाठायला
वाचन उदिष्ट साधायला
माझ्या शाळेची पोरं ही.......